Plantun de Prouvènço

Pèr coumpara dos planto d'encò nostre

Juncus jacquinii & Geropogon hybridus

Juncus jacquinii

Juncaceae

Nom en français : Jonc de Jacquin.

Descripcioun :
Lou jounc-de-Jacquin trachis en coulounìo dins li prado bagnado de mountagno. Se recounèis eisadamen à si poulìdis enflourejado negro d'ounte sorton lis estamino jauno e li long estigmato roso en viseto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Negro
Petalo : 6
Ø (o loungour) flour : 6 à 7 mm
Flourido : Estiéu

Sòu : Si
Autour basso e auto : 1700 à 2800 m
Aparado : Noun
Juliet à setèmbre

Liò : Prado umido - Palun - Riéusset
Estànci : Subaupen à Aupen
Couroulougi : Artico-Aupenco
Ref. sc. : Juncus jacquinii L., 1767

Sarsifi(-bastard)

Geropogon hybridus

Asteraceae Compositae

Autre noum : Salsifi.

Nom en français : Salsifis hybride.

Descripcioun :
Lou sarsifi-bastard sèmblo un pichot barbabou pèr la "flour", pamens èi mai proche d'un sarsifi emé si proumiéri fueio en lanço. Au contro d'aquésti dos planto, trachis dins l'an. Se vèi dins lis ermas e li meissoun, subretout dins noste relarg de "basso Prouvènço". Èi marcado sus la listo roujo, categourìo vulneràri : VU.

Usanço :
Dèu èstre bon en ensalado, pamens, estènt uno planto proutegido, la vau miés pas acampa.

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Geropogon
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Roso
Petalo : >6
Ø (o loungour) flour : 2,5 à 4 cm
Flourido : Printèms

Sòu : Ca
Autour basso e auto : 0 à 400 m
Aparado : Noun
Mai à jun

Liò : Ermas - Meissoun - Culturo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Geropogon hybridus (L.) Sch.Bip., 1844

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Juncus jacquinii & Geropogon hybridus

ges

Coumpara Jounc(-de-Jacquin) emé uno autro planto

Coumpara Sarsifi(-bastard) emé uno autro planto